شمتة لصحاب (قصيدة زجلية) لحسن البرارحي

شمتة لصحاب 

قصيدة زجلية حصرية مهداة لموقع السوادح برس

للزجال حسن البرارحي

ف هاد الزمان ما بقاش الصاحب

يجيك ف صورة انسان من الذهب

لي كذب يسول لجرب

لي قال انت خويا وصاحبي عليك كذب

الصحبة الصادقة ساكنة ف لقلب

الصحبة ما كتبناش ع الطمع ولقوالب

ماشي هي الهدرة الخاوية والتقشاب

ف راس الدرب

صاحب ليوم طماع مكار كيف الثعلب

يقضي حاجتو ينكرك منك يهرب

نوصيك يا الغافل حضي راسك

لا تقولب

راه بنادم اليوم غدار كيف الكلب

ف غيبتك يتكلم فيك ويسب

شمتة الصاحب تخليك تعذب

ف لفراش تبات تقلب

هاد المرض انتشر ف الشعب

مابقا لا حب لا صاحب

الصحبة لمغشوشة تفوت كيف السحاب

نوصيك ف الاختيار ما تسرع ما تزرب

اختار الصاحب من بين لصحاب

وشوف تشوف سال ع لمكتاب

الصحبة الزينة ذكرها الله ف لكتاب

ما عمر الصقر يعاشر لغراب

الكلب الصحيح ما يعاشر الكلب المجراب

السكايري ما يعاشر فقيه لمحراب

مخالفين ف الاخلاق والاداب

والرعواني ما يعرف الصواب

الحاصول المومن مصاب

لي خان الصحبة الله

يسلط عليه لعذاب

ويخلي نيفو ف تراب

https://www.facebook.com/hassan.lbrarhi